२१ बळी घेतलेल्या हातभट्टीने घेतली २२ जणांची 'विकेट'राज्य उत्पादन शुल्काचे १३ तर पुणे-पिंपरीतील ९ पोलीस निलंबित सासवड प्रतिनिधी : बापू मुळीक मुख्य संपादक पुरंदर प्राईम न्यूज: पुणे आणि पिंपरी-चिंचवड शहरात गेल्या दोन दिवसांत विषारी दारूमुळे २१ जणांचा हकनाक बळी गेला आहे. या घटनेमुळे परिसरात संतापाची तीव्र लाट उसळली आहे. अधिकाऱ्यांच्या हप्तेखोरीमुळे मोलमजुरी करणाऱ्यांचा यामध्ये बळी गेला आहे. तर, आणखी काही जण गंभीर आहेत. अजून मृतांची संख्या वाढण्याची शक्यता आहे. या प्रकरणात राज्य उत्पादन शुल्क आणि पोलीस खात्यावर रोष व्यक्त होत असल्यामुळे आता दोन्ही विभागांकडून हातभट्टी दारूला अभय देणाऱ्यांविरोधात निलंबनाची कारवाई सुरू करण्यात आली आहे. राज्य उत्पादन शुल्क खात्यातील १३ तर पुणे आणि पिंपरी-चिंचवड पोलीस दलातील ९ अशा एकूण २२ जणांना निलंबित करण्यात आले आहे.राज्य उत्पादन शुल्क विभागातील १३ जणांचे झाले निलंबनमहाराष्ट्र राज्य उत्पादन शुल्क आयुक्त यांनी एकूण १३ जणांवर निलंबनाची कारवाई केली आहे. यामध्ये तीन निरीक्षक, सहा दुय्यम निरीक्षक आणि चार जवानांचा समावेश आहे. हडपसरमधील तीन अधिकारी सस्पेंडपुण्याचे पोलीस आयुक्त यांनी शुक्रवारी रात्री उशिरा या प्रकरणाची गंभीर दखल घेत हडपसर पोलीस ठाण्याच्या हद्दीत घडलेल्या या प्रकारानंतर तीन अधिकाऱ्यांवर निलंबनाची कारवाई केली आहे. कारवाई करण्यात आलेल्या अधिकाऱ्यांची नावे पुढीलप्रमाणे : १) संजय मोगले, वरिष्ठ पोलीस निरीक्षक, हडपसर पोलीस स्टेशन, पुणे शहर. २) हसीना शिकलगार, सहायक पोलीस निरीक्षक, हडपसर पोलीस चौकी. ३) हसन मुलाणी, पोलीस उपनिरीक्षक, गुन्हे शोध पथक, हडपसर पोलीस स्टेशन. या अधिकाऱ्यांच्या कार्यकाळात आणि हद्दीत अवैध व विषारी दारूची विक्री सुरू असताना त्यावर योग्य ती कारवाई न झाल्याने ही कारवाई करण्यात आली आहे.पिंपरी आयुक्तांकडून सहा जणांचे निलंबनपिंपरी-चिंचवडचे पोलीस आयुक्त यांनीही दापोडी पोलीस चौकीशी संबंधित दोन अधिकारी आणि चार कर्मचाऱ्यांचे निलंबन केले आहे. त्यांची नावे पुढीलप्रमाणे १) विजय वाघमारे, वरिष्ठ पोलीस निरीक्षक, दापोडी पोलीस ठाणे. २) राजू भास्कर, फौजदार तथा तपास पथकप्रमुख. ३) जयदीप सोनवणे, कर्मचारी. ४) नवनाथ पोटे, कर्मचारी. ५) सागर जाधव, कर्मचारी. ६) विशाल काळे, कर्मचारी.