श्री केदारेश्वर विद्यालयाची उत्कृष्ट निकालाची परंपरा कायम सासवड प्रतिनिधी:बापू मुळीक मुख्य संपादक पुरंदर प्राईम न्यूज: काळदरी (ता. पुरंदर, जि. पुणे) :येथील श्री शिवाजी शिक्षण प्रसारक मंडळ सासवड संचलित श्री केदारेश्वर विद्यालय व ज्युनिअर कॉलेज या विद्यालयाने इयत्ता दहावीच्या परीक्षेत घवघवीत यश संपादन करत निकालाची उज्ज्वल परंपरा यंदाही कायम राखली आहे. विद्यालयाचा ९७.५० टक्के निकाल लागल्याने विद्यालयाच्या गुणवत्तेची पुन्हा एकदा प्रचिती आली आहे. विद्यार्थ्यांची जिद्द, शिक्षकांचे समर्पित मार्गदर्शन आणि पालकांचा भक्कम पाठिंबा यामुळे हे यश शक्य झाल्याची भावना व्यक्त होत आहे. कु अक्षदा दत्तात्रय वांभिरे हिने ८८.६० टक्के गुण मिळवित विद्यालयात प्रथम क्रमांक पटकावला तर कु अमृता संतोष जगताप हिने ८६.४० टक्के गुण मिळवून द्वितीय क्रमांक तर कु अनुष्का अविनाश कवितके हिने ८२.८० टक्के गुण मिळवित तृतीय क्रमांक पटकावला. विशेष प्राविण्यासह ११ विद्यार्थी यशस्वी झाले तर प्रथम श्रेणी प्राप्त १० विद्यार्थी, द्वितीय श्रेणी प्राप्त ०८ विद्यार्थी तर १० विद्यार्थी तृतीय श्रेणी प्राप्त करीत यशस्वी झाले. विद्यालयाच्या उल्लेखनीय यशाबद्दल विद्यालयाचे प्राचार्य विजय चिकणे यांनी समाधान व्यक्त करत विद्यार्थ्यांचे कौतुक केले* . “संस्थापक अध्यक्ष स्व चंदुकाका जगताप यांनी काळदरी सारख्या दुर्गम व डोंगराळ भागातील मुले शैक्षणिक गुणवत्ता प्राप्त करुन जीवनात यशस्वी व्हावीत असे स्वप्न पाहीले होते ते आज या निकालामुळे पूर्णत्वास येताना दिसत आहे.” असे ते यावेळी म्हणाले. या यशामागील खरे शिल्पकार असलेले सर्व शिक्षक व शिक्षकेतर कर्मचारी यांचे विशेष कौतुक करण्यात येत आहे. श्री शिवाजी शिक्षण प्रसारक मंडळ, सासवड या संस्थेचे अध्यक्षा आनंदीकाकी जगताप, संस्थेचे सचिव तथा माजी आमदार संजयजी चंदूकाका जगताप, भारतीय प्रशासन सेवा अधिकारी व संस्थेचे विशेष सल्लागार डॉ. राजेंद्रबापू जगताप, संस्थेचे संस्थापक-सचिव - विश्वस्त- प्रा. सीए. डॉ. एम एस जाधव (सर), सहसचिव दत्तात्रय गवळी, संस्थेच्या समन्वयिका सोनालीताई शिंदे, ग्रामीण संस्थेच्या अध्यक्षा वं संस्थेच्या विश्वस्त राजवर्धनी जगताप,भारती विद्यापीठाच्या संचालिका व संस्थेच्या विश्वस्त डॉ. अस्मिता जगताप, व्यवस्थापक कानिफनाथ अमराळे व संस्थेचे सहव्यवस्थापक रवींद्रपंत जगताप यांनी विद्यार्थ्यांचे व शिक्षकांचे अभिनंदन केले यशस्वी विद्यार्थ्यांना ज्युनिअर विभाग प्रमुख प्रा संतोष नवले, पर्यवेक्षक पांडुरंग दुर्गाडे, संजय भिंताडे, सुनिल घोडके, शिवाजी गोडसे, बाळू पोमणे, पंडित चेंडके, सुनंदा टकले व कविता शेलार यांचे मार्गदर्शन लाभले.विद्यालयातील सर्व यशस्वी विद्यार्थ्यांचे, शिक्षकांचे आणि पालकांचे सर्व स्तरातून अभिनंदन होत असून त्यांच्या उज्ज्वल भविष्यासाठी शुभेच्छांचा वर्षाव होत आहे.