तांत्रिक अडचणीमुळे रखडलेला श्रेया वाईकर हिचा दहावीचा निकाल अखेर जाहीर जेजुरी प्रतिनिधी:मयूर कुदळे उपसंपादक पुरंदर प्राईम न्यूज: राज्य माध्यमिक व उच्च माध्यमिक शिक्षण मंडळाने इयत्ता दहावीचा निकाल 8 मे रोजी जाहीर केला असताना, राज्यभर विद्यार्थ्यांनी आनंद साजरा केला असताना, सुद्धा जेजुरी येथील विद्यार्थिनी श्रेया संतोष वाईकर हिचा निकाल मात्र तांत्रिक अडचणीमुळे रखडल्याची घटना समोर आली असताना, अखेर पुणे बोर्डाच्या कार्यालयात दोन दिवस पाठपुरावा केल्यानंतर व पुरंदर प्राईम न्यूज च्या पाठपुराव्यामुळे शनिवारी सायंकाळी तिचा निकाल जाहीर करण्यात आला, जेजुरी येथील जिजामाता इंग्लिश मीडियम स्कूलची विद्यार्थिनी श्रेया वाईकर हिने जिजामाता हायस्कूल परीक्षा केंद्रावरून दहावीची परीक्षा दिली होती, इतर सर्व विद्यार्थ्यांचे निकाल ऑनलाईन प्रसिद्ध झाले होते, मात्र श्रेया चा निकाल संकेतस्थळावर दिसत नसल्याकारणाने, तिच्यासह पालकांमध्ये चिंतेचे वातावरण निर्माण झाले होते, पालकांनी शुक्रवारी पुणे येथील महाराष्ट्र राज्य माध्यमिक व उच्च माध्यमिक शिक्षण मंडळाच्या कार्यालयात धाव घेतली, यावेळी पालकांनी अधिकाऱ्याकडे तक्रार नोंदवली बोर्डाच्या अधिकाऱ्यांनी काही तांत्रिक अडचणीमुळे निकाल प्रदर्शित होण्यास विलंब झाल्याचे सांगितले, या बऱ्याच कारणामुळे वेळ प्रतीक्षा केल्यानंतर सायंकाळी पाच वाजण्याच्या सुमारामध्ये सहाय्यक सचिव वैशाली काळे यांनी श्रेयाच्या तात्पुरत्या निकाल पत्रा ची प्रत तिच्या वडिलांकडे सुपूर्त केली, यात श्रेयाला 87.80% गुण मिळाल्याचे स्पष्ट झाले, निकालाची माहिती मिळताच श्रेया व तिचे कुटुंबीय व शिक्षकांनी जल्लोष केला व पुरंदर प्राईम न्यूज चे सुद्धा आभार व्यक्त केले.