पुरंदर तालुक्यातील भिवरी येथे जावयाकडून सासऱ्यावर हल्ला ; तर दाताला अशी गंभीर दुखापत ; सासवड पोलीस ठाण्यामध्ये जावयावर गुन्हा दाखल सासवड प्रतिनिधी: बापू मुळीक मुख्य संपादक पुरंदर प्राईम न्यूज: मुलीला सासरी पाठवण्याच्या कारणावरून जावयाने सासऱ्याला शिवीगाळ करत मारहाण केल्याची धक्कादायक घटना पुरंदर तालुक्यातील भिवरी येथे घडली असून, या मारहाणीमध्ये वृद्ध शेतकऱ्याच्या दाताला गंभीर अशी दुखापत झाली असून, सासवड पोलीस ठाण्यामध्ये गुन्हा दाखल करण्यात आलेला आहे, याप्रकरणी शंकर रामचंद्र रोकडे (वय 62 )राहणार भिवरी ता. पुरंदर त्यानुसार सचिन अर्जुन जाधव राहणार काळेवाडी पुणे यांच्या विरोधामध्ये भारतीय न्याय संहिता 2023 अंतर्गत कलम 117 (2), 115 (2), 352, 351 (2 )(3) नुसार गुन्हा दाखल करण्यात आलेला आहे. पोलिसांनी दिलेल्या माहितीनुसार फिर्यादी यांची मुलगी रेणुका हिला तिचा पती सचिन जाधव यांनी घरगुती कारणावरून शिवीगाळ करून, मारहाण केल्याने ती माहेरी भिवरी येथे आली होती, मंगळवारी सकाळी सुमारे नऊ वाजण्याच्या सुमारामध्ये सचिन जाधव हा भिवरी येथे फिर्यादी यांच्या घरी आला होता आणि रेणुकाला माझ्यासोबत पाठवा अशी मागणी करत होता,मात्र तू मुलीला वारंवार मारहाण करतोस त्यामुळे तिला तुझ्यासोबत पाठवणार नाही, असे सांगितल्याने आरोपी संतापला त्यांनी फिर्यादीला शिवीगाळ करत हाताने गालावर जोरदार मारहाण केली, तसेच लाथा बुक्याने मारहाण केल्याने फिर्यादीच्या दाताला गंभीर अशी दुखापत झाली असल्याचे वैद्यकीय अहवालात नमूद करण्यात आलेले आहे, यावेळी आरोपीने माझा मोठ्या लोकांशी संबंध आहे, तुम्ही माझे काही वाकडे करू शकत नाही, अशी धमकी दिल्याचाही आरोप फिर्यादीने केलेला आहे. या घटनेनंतर जखमी शंकर रोकडे यांनी सासवड ग्रामीण रुग्णालयामध्ये उपचार घेतले असता वैद्यकीय अधिकाऱ्यांनी दाताला गंभीर अशी दुखापत झाल्याचे प्रमाणपत्र दिल्यानंतर सासवड पोलीस ठाण्यामध्ये गुन्हा दाखल करण्यात आलेला आहे, सासवड पोलीस स्टेशनचे वरिष्ठ पोलीस निरीक्षक कुमार कदम यांच्या अधिपत्याखाली पोलीस हवालदार विनायक हाके पुढील तपास करीत आहेत.