पुरंदर तालुक्यातील पुरंदर विमानतळासाठी भूसंपादन प्रक्रियेला प्रचंड वेग;तर 450 एकर जमिनीला शेतकऱ्यांची संमती सासवड प्रतिनिधी: बापू मुळीक मुख्य संपादक पुरंदर प्राईम न्यूज: पुरंदर तालुक्यातील नियोजित छत्रपती संभाजी महाराज आंतरराष्ट्रीय विमानतळ प्रकल्पासाठी जमीन संपादन प्रक्रियेला प्रचंड वेग आला असून, शेतकऱ्याकडून सकारात्मक प्रतिसाद मिळत असून, कुंभारवळण ,वनपुरी, एखतपुर, पारगाव मेमाणे, उदाची वाडी मुंजवडी आणि खानवडी या सात गावांमधील सुमारे 450 एकर जमीन देण्यात शेतकऱ्यांनी संमती दर्शवली असून, सोमवारी मोठ्या संख्येने शेतकऱ्यांनी जिल्हा प्रशासनाकडे संमती पत्रे तसेच प्रतिज्ञापत्रे सादर केल्याने, मोबदला प्रक्रियेला गती मिळालेली आहे, या प्रकल्पासाठी यापूर्वीच सुमारे 3200 शेतकऱ्यांनी जमीन देण्यास तत्त्वत मान्यता दिली होती, जिल्हाधिकारी जितेंद्र डुडी यांच्या पुढाकारामुळे शेतकऱ्यांसाठी आकर्षक मोबदल्याची पॅकेज निश्चित करण्यात आले आहे. त्यामुळे अनेक शेतकरी समाधान व्यक्त करीत पुढे सरसावलेले आहेत, पॅकेज निश्चित झाल्यानंतर प्रशासनाने मोबदला वाटपाची प्रक्रिया सुरू करण्याची नियोजन केले आहे. शेतकऱ्यांनी सादर केलेल्या प्रतिज्ञा पत्रामध्ये संबंधित जमिनीवर कोणतीही खटला बोजा किंवा वाद नसल्याची हमी देण्यात आली आहे. तसेच भविष्यात कोणताही वाद निर्माण झाल्यास त्याची जबाबदारी स्वतः घेण्याचे ही त्यांनी नमूद केले आहे. पाचशे रुपयांच्या मुद्रांकावर ही प्रतिज्ञापत्रे सादर करण्यात आली असून, प्रशासनाकडून त्याची सखोल छाननी केली जाणार आहे, यानंतर जमिनीचे संयुक्त मोजमाप, घरे, झाडे, पाईपलाईन यांचे मूल्यांकन करून, मोबदल्याच्या परिघना तक्त्यानुसार तयार केली जाईल, छाननी पूर्ण झाल्यानंतर शेतकऱ्यांना करारासाठी नोटिसा देण्यात येतील आणि भूसंपादन अधिकार या संवेद समिती करार केला जाईल, अंतिम टप्प्यात जिल्हाधिकाऱ्यांच्या मान्यतेनंतर मोबदल्याची रक्कम थेट शेतकऱ्याच्या बँक खात्यात जमा केली जाणार आहे, या दरम्यान सासवड येथील उपविभागीय कार्यालय, तसेच जिल्हाधिकारी कार्यालयातील भूसंपादन अधिकारी कार्यालयात संमती पत्रे स्वीकारण्याची सुविधा उपलब्ध करण्यात आली आहे, अल्पभूधारक भूमिहीन व स्थानिक शेतकऱ्यांना मोबदल्यात प्राधान्य देण्याचा निर्णय प्रशासनाने घेतला असून, या प्रक्रियेमुळे विमानतळ प्रकल्पाच्या अंमलबजावणीला चालना मिळण्याची अपेक्षा व्यक्त होत आहे.