पुरंदर तालुक्यातील नारायणपूर येथील झोपेतून उठल्यानंतर गॅलरीमध्ये गुळणा करण्यासाठी युवकाचा खाली पडून मृत्यू सासवड प्रतिनिधी: बापू मुळीक मुख्य संपादक पुरंदर प्राईम न्यूज: नारायणपूर ता. पुरंदर येथील एका शेतकऱ्याच्या घरातील पहिल्या मजल्यावरील गॅलरी मधून खाली पडून दुर्दैवी असा मृत्यू झाल्याची घटना मंगळवारी मध्यरात्री घडली असून, सचिन शिवाजी बोरकर वय 40 राहणार नारायणपूर ता. पुरंदर जिल्हा पुणे असे मृत व्यक्तीचे नाव असून, याबाबत सासवड पोलीस ठाण्यामध्ये अकस्मात मृत्यूची नोंद करण्यात आली आहे. पोलिसांनी दिलेल्या माहितीनुसार सचिन बोरकर हे शेती व्यवसाय करत असून आपल्या कुटुंबाचा उदरनिर्वाह करत होते मंगळवारी दि. 26 रोजी रात्री साडेअकराच्या सुमारामध्ये ते झोपेतून उठून घराच्या पहिल्या मजल्यावर गॅलरीमध्ये गेले असता, त्यांचा तोल जाऊन ते खाली सिमेंट काँक्रीटच्या रस्त्यावर डोक्यावर पडले या घटनेची माहिती मिळताच नातेवाईक व परिसरामधील नागरिकांनी त्यांना तातडीने संत सोपानदेव हॉस्पिटल सासवड या ठिकाणी उपचारासाठी दाखल केले असता, मात्र डॉक्टरांनी तपासून उपचारापूर्वी त्यांचा मृत्यू झाल्याची घोषित केले होते ,या घटनेची माहिती सदानंद चंद्रभान बोरकर यांनी फिर्याद सासवड पोलिसांना देण्यात आली असून, मृतदेह ग्रामीण रुग्णालय सासवड येथे शव विच्छेदनासाठी पाठवण्यात आला असून, याप्रकरणी सासवड पोलीस ठाण्यामध्ये अकस्मात मृत्यूची नोंद अशी करण्यात आली आहे, पुढील तपास अर्चना पाटील पोलीस उपनिरीक्षक यांच्या अधिपत्याखाली पोलीस हवालदार जाधव हे पुढील तपास करीत आहेत.