पुरंदर तालुक्यातील सासवड या ठिकाणी टँकर व्यवसायाच्या वादा मधून मारहाण तर वडील व मुलाविरोधामध्ये गुन्हा सासवड पोलीस स्टेशन मध्ये दाखल सासवड प्रतिनिधी: बापू मुळीक मुख्य संपादक पुरंदर प्राईम न्यूज: टॅंकर व्यवसायाच्या कारणावरून झालेल्या वादातून सासवड या ठिकाणी एका व्यवसायिकास त्याच्या आईला मारहाण करून, जीवे मारण्याची धमकी दिल्याची घटना सासवड येथील सोपानदेव मंदिराशेजारी घडली, या प्रकरणी सासवड पोलीस ठाण्यामध्ये दोघा विरोधामध्ये गुन्हा दाखल करण्यात आला आहे ,याबाबत पोलिसांनी दिलेल्या माहितीनुसार फिर्यादी नितीन काशिनाथ शिवरकर (वय 38) व्यावसाय पाणी टँकर राहणार सोपानदेव मंदिर शेजारी तालुका पुरंदर यांनी सासवड पोलीस ठाण्यामध्ये तक्रार दाखल केलेली आहे, दि. 10 मे रोजी सायंकाळी सुमारे सात वाजण्याच्या सुमारामध्ये त्यांच्या घराशेजारी टँकर व्यवसायच्या कारणावरून आरोपी लालसिंग चांगदेव शिवरकर व जीवन लालसिंग शिवरकर दोघे सोपान देव मंदिराशेजारी राहणार असून ,या दोघांनी वाद घालत फिर्यादीस दगड व हाताने मारहाण केली, तसेच फिर्यादी यांच्या आई सुनंदा शिवरकर यांनाही लाथा भुक्क्यांनी मारहाण करण्यात आल्याचे तक्रारीमध्ये नमूद केलेले आहे .यावेळी आरोपींनी शिवीगाळ करत दमदाटी करत जीवे मारण्याची धमकी दिल्याचे, फिर्यादीमध्ये म्हटले आहे याप्रकरणी सासवड पोलीस ठाण्यामध्ये भारतीय न्याय संहिता कलम 118( 1), 115 (2), 352, 351, (2) (3) 3(5) अंतर्गत गुन्हा दाखल करण्यात आला असून, या प्रकरणाचा पुढील तपास सासवड पोलीस स्टेशन मार्फत वरिष्ठ पोलीस निरीक्षक कुमार कदम यांच्या अधिपत्याखाली पोलीस नाईक चव्हाण सुनिल हे पुढील तपास करीत आहेत.