पुरंदर तालुक्यातील आंतरराष्ट्रीय विमानतळ प्रकल्पाबाबत बनावट पत्र बनवून अज्ञाता विरोधामध्ये सासवड पोलीस ठाण्यामध्ये गुन्हा दाखल सासवड प्रतिनिधी: बापू मुळीक मुख्य संपादक पुरंदर प्राईम न्यूज: पुरंदर तालुक्यातील प्रस्तावित छत्रपती संभाजी राजे आंतरराष्ट्रीय विमानतळ प्रकल्पाबाबत सोशल मीडियावर खोटी आणि दिशाभूल करणारी माहिती पसरून नागरिकांमध्ये सब्रम निर्माण केल्याचा धक्कादायक प्रकार समोर आला असून, एका कार्यालयाच्या नावाचे बनावट लेटर पॅड तयार करून, अफवा पसरवल्या प्रकरणी सासवड पोलीस ठाण्यामध्ये अज्ञात व्यक्तीविरुद्ध गुन्हा दाखल करण्यात आला आहे, या प्रकारामुळे पुरंदर परिसरामध्ये खळबळ उडाली असून, पोलीस आता त्या अज्ञात आरोपीचा शोध घेत आहेत, याबाबत संतोष हरी बरगे( वय 37) राहणार बच्चे पाटील कॉलनी तिनेवाडी रोड राजगुरुनगर जिल्हा पुणे) यांनी फिर्याद दिली आहे. पोलिसांनी भारतीय न्याय संहिता कलम 336 (2) व 336 (4) अन्वये सासवड पोलीस स्टेशन येथे गुन्हा नोंदवलेला आहे. पोलिसांनी दिलेल्या माहितीनुसार दि. 12 मे 2026 रोजी दुपारी एक वाजण्याच्या सुमारामध्ये उदाची वाडी, खानवडी, कुंभारवळण, पारगाव, एखतपुर आणि मुंजवडी परिसरा मधील शेतकरी whatsapp ग्रुप वर एका अज्ञात व्यक्तीने कार्यालयाच्या नावाचे बनावट लेटर पॅड तयार करून, खोटे पत्र प्रसारित केले त्या पत्रामध्ये प्रास्तावित विमानतळासाठीची जागा तांत्रिक तपासणीनंतर आयोग्य असल्याचा मजकूर नमूद करण्यात आला होता, या बनावट पत्रामुळे संबंधित गावातील नागरिकांच्या मनात विमानतळ प्रकल्पाच्या भूसंपादन प्रक्रिये बाबत संभ्रम आणि गैरसमज निर्माण झाल्याचे फिर्यादीमध्ये नमूद करण्यात आलेले आहे. याप्रकरणी अज्ञात व्यक्ती विरोधामध्ये कायदेशीर कारवाई करण्याची मागणी करण्यात आली आहे. सदर गुन्ह्याचा सासवड पोलीस स्टेशनचे वरिष्ठ पोलीस निरीक्षक कुमार कदम यांच्या अधिपत्याखाली पोलीस हवालदार दत्तात्रय शेगर हे पुढील तपास करीत आहेत.