पुरंदर तालुक्यामध्ये सासवड या ठिकाणी बस मधून पडून मजुराचा मृत्यू सासवड प्रतिनिधी: बापू मुळीक मुख्य संपादक पुरंदर प्राईम न्यूज : हडपसर जेजुरी बायपास रोड वरील आंबोडी गावाच्या हद्दीमधील खाजगी बस मधून खाली पडून गंभीर जखमी झालेल्या बिहार मधील एका मजुराचा उपचारापूर्वीच मृत्यू झाल्याची दुर्दैवी अशी घटना बुधवारी सकाळी घडली. या प्रकरणी सासवड पोलीस ठाण्यामध्ये अकस्मात मृत्यूची नोंद करण्यात आली असून, पोलिसांनी दिलेल्या माहितीनुसार बिरजू बिंद (वय 37) रा. लखनबिंद कोसी आरवा तालुका बरावा जिल्हा जेहानाबाद बिहार) असे मृत व्यक्तीचे नाव आहे. सासवड पोलीस स्टेशनचे पोलीस शिपाई सागर चंद्रकांत महाद्वार हे डायल 112 कर्तव्यावर असतानाच बुधवारी सकाळी सुमारे आठ वाजून दोन मिनिटांनी वाजण्याच्या सुमारांमध्ये आंबोडी गावा जवळ एका व्यक्तीचा अपघात झाल्याची माहिती मिळाली असून, त्यानंतर पोलीस हवालदार होळकर अविनाश यांच्या सह पोलिसांनी तातडीने घटनास्थळी धाव घेतली, हडपसर जेजुरी बायपास रोड वरील एक इसम जखमी अवस्थेत पडलेला आढळून आला ,तेच्या डोक्याला गंभीर दुखापता झाली होती व रक्तस्राव सुरू होता, मॉर्निंग साठी आलेल्या नागरिकांनी संबंधित व्यक्ती खाजगी बस मधून खाली पडल्याचे पोलिसांनी सांगितले. अपघातानंतर बस घटनास्थळावरून पुढे निघून गेलेची माहिती ही समोर आली असून, पोलिसांनी तात्काळ रुग्णवाहिका बोलावून जखमीला उपचारासाठी ग्रामीण रुग्णालय सासवड येथे दाखल केले होते, मात्र डॉक्टरांनी तपासणी करून सकाळी आठ पन्नास वाजता उपचारा पूर्वीच मृत घोषित केले. मृताच्या खिशामध्ये सापडलेल्या आधार कार्ड व मोबाईलच्या आधारित याची ओळख पटवण्यात आली असून ,याबाबत सासवड पोलीस ठाण्यामध्ये अकस्मात मृत्यूची नोंद करण्यात आली असून, पुढील तपास सासवड पोलीस स्टेशनचे वरिष्ठ पोलीस निरीक्षक कुमार कदम यांच्या अधिपत्याखाली पोलीस हवालदार दत्तात्रय शेगर हे पुढील तपास करीत आहेत.