पुरंदर तालुक्यातील वनपुरी येथे 30 ब्रास मुरूम चोरीचा आरोप; तर दमदाटी व जीवे मारण्याची धमकी सासवड प्रतिनिधी: बापू मुळीक मुख्य संपादक पुरंदर प्राईम न्यूज: वनपुरी ता. पुरंदर येथे सामायिक शेत जमिनीतील 30 ब्रास मुरूम चोरून, नेल्याप्रकरणी आणि विचारणा केली असता शिवीगाळ व जीवे मारण्याची धमकी दिली याप्रकरणी सासवड पोलीस ठाण्यामध्ये गुन्हा दाखल करण्यात आलेला आहे. याप्रकरणी तनवीर कयूम शेख (वय 41) रा. हडपसर मूळ राहणार वनपुरी यांनी फिर्याद दिली असून, सुनील महादेव गायकवाड राहणार वनपुरी यांच्या विरुद्ध गुन्हा नोंदविलेला आहे, शेख यांची वनपुरी येथे जमीन आहे, 24 एप्रिल रोजी ते शेतात गेले असता, आरोपी गायकवाड यांनी तेथील मुरूम काढून विक्री केल्याचे निदर्शनास आले, यानंतर 13 मे रोजी आरोपीने त्यांच्या 23 गुंठे क्षेत्राचे तारेचे कुंपण तोडून संपूर्ण 72 गुंठे क्षेत्रावर स्वतःच्या नावाची पाटी लावून, तेथे खडी आणून टाकली होती, याबाबत जाब विचारला असता, आरोपीने शिवेगाळ करून जीवे मारण्याची धमकी दिली, असे फिर्यादीमध्ये म्हटलेले आहे. याप्रकरणी सासवड पोलीस स्टेशनचे वरिष्ठ पोलीस निरीक्षक कुमार कदम यांच्या अधिपत्याखाली पोलीस हवालदार सुहास लाटणे पुढील तपास करीत आहेत.