पुरंदर तालुक्यातील सासवड या ठिकाणी सामुदायिक विवाह सोहळा एकाच मंडपामध्ये 27 संसाराचा आरंभ ;तर हा उपक्रम 20 वर्षापासून सासवड प्रतिनिधी :बापू मुळीक मुख्य संपादक पुरंदर प्राईम न्यूज: सामान्य कुटुंबांना आधार देण्यासाठी आदर्श क्रांती संघटनेने आयोजित केलेल्या सामुदायिक विवाह सोहळ्यामध्ये शुक्रवारी दि. 1 रोजी सासवड येथील पुरंदर हायस्कूलमध्ये हा विवाह सोहळा उत्साहा मध्ये पार पडला. यामध्ये 27 जोडपी विवाहबद्ध झाली गेल्या वीस वर्षापासून सुरू असलेल्या या उपक्रमामध्ये आत्तापर्यंत 750 विवाह लावले असून, यावर्षीच्या सोहळ्यामध्ये नवरदेवांना अभिजीत बारवकर यांच्याकडून पाच लाखाचा अपघाती विमा भेट देण्यात आला असून, या सोहळ्यास खासदार सुप्रिया सुळे यांची प्रमुख उपस्थिती होती, त्यांनी या उपक्रमाचे कौतुक केले, संघटनेचे संस्थापक अध्यक्ष संजय (अण्णा )जगताप यांच्या संकल्पनेतून हा सोहळा पार पडला आहे, यावेळी नववधूवरांना संसार उपयोगी साहित्य, कपडे आणि मंगळसूत्र मोफत देण्यात आले, कार्यक्रमाला जिल्हा बँकेचे अध्यक्ष प्रा. डॉ. दिगंबर दुर्गाडे, जालिंदर कामठे, भरत (नाना) शिरसागर, पोपट (महाराज) टेंबे स्वामी आदी उपस्थित होते. संघटनेचे अध्यक्ष बाळासाहेब भिंताडे, कार्याध्यक्ष अभिषेक जगताप व सदस्यांनी सोहळ्याचे नियोजन केले .प्राध्यापक जितेंद्र देवकर यांनी सूत्रसंचालन केले, तर बंडूकाका जगताप यांनी आभार मानले.