पुरंदर तालुक्यात अधिक मासानिमित्त सासवड या ठिकाणावरून विशेष अशा बस सेवा सासवड प्रतिनिधी: बापू मुळीक मुख्य संपादक पुरंदर प्राईम न्यूज : अधिक महिन्याचे औचित्य साधत असताना, राज्य परिवहन महामंडळाच्या सासवड आगाराच्या वतीने येत्या 17 मे पासून विविध धार्मिक स्थळासाठी विशेष अशा बस फेऱ्यांचे आयोजन करण्यात आलेले आहे, आगर प्रमुख मोहिनी ढेरे आणि वाहतूक नियंत्रक कैलास जगताप यांनी या उपक्रमाची माहिती प्रतिनिधीला दिली. या विशेष फेऱ्यांमध्ये महिलांना 50 टक्के सवलत देण्यात आली असून ,यात अष्टविनायक दर्शनासाठी महिलांना 7,20 रुपये तर पुरुषांना 1,438 रुपये पंढरपूर -तुळजापूर- गाणगापूर यात्रेसाठी महिलांना 8,35 रुपये तर पुरुषांना 1,668 रुपये शिर्डी- नाशिक त्रिंबकेश्वर-वणी वारेसाठी महिलांना 6,65 रुपये तर पुरुषांना 1,330 रुपये आणि कोल्हापूर- ज्योतिबा- नाणीज गणपतीपुळे प्रवाशासाठी महिलांना 7,75 रुपये आणि पुरुषांना 1,550 रुपये भाडे आकारले जाणार आहे, याबरोबरच भाविकांच्या सोयीसाठी आगारांनी विशेष अशी सवलत दिलेली आहे, जर 40 व्यक्तीच्या गटाने 300 km अंतरावरील त्यांच्या आवडीचे कोणतेही धार्मिक स्थळ निवडले, तर त्यांच्यासाठी स्वतंत्र बसची व्यवस्था करण्यात येईल या अधिकमासाच्या निमित्ताने भाविकांना आणि पर्यटकांनी या प्रवासी सेवेचा लाभ घ्यावा असे आवाहन प्रशासनाकडून करण्यात आलेले आहे.