किल्ले पुरंदर वर जयंतू शंभू महानाट्य सासवड प्रतिनिधी: बापू मुळीक मुख्य संपादक पुरंदर प्राईम न्यूज: किल्ले पुरंदर येथे बुधवारी दि. 13 रोजी धर्मवीर छत्रपती संभाजी महाराज यांच्या शासकीय जयंती निमित्त शासनाच्या सांस्कृतिक कार्य विभागाच्या वतीने छत्रपती संभाजी महाराजांच्या जीवनावर आधारित 'जयंतू शंभू 'महानाट्य सादर करण्यात आले. नाट्याचा शुभारंभ पुरंदरचे तहसीलदार विक्रम राजपूत यांच्या हस्ते करण्यात आला. यावेळी गटविकास अधिकारी प्रणोती श्रीश्रीमाळ , पुरंदर प्रतिष्ठान संस्थापक अध्यक्ष प्रशांत पाटणे, तसेच संभाजी ब्रिगेडचे सागर जगताप, नारायणपूर सरपंच प्रदीप बोरकर आदी उपस्थित होते. हे महानाट्य पाहण्यासाठी नागरिकांची उपस्थिती होती ,आज दि.14 रोजी सकाळी शंभू महाराज यांच्या पुतळ्याचे अभिषेक, पालखी सोहळा, मान्यवरांचे सत्कार, वितरण ,याशिवाय दिवसभर विविध कार्यक्रम असे घेण्यात आले.