पुरंदर तालुक्यातील सासवड या ठिकाणी एसटीची दुचाकीला जोरदार अशी धडक ; तर भीषण अपघातामध्ये तरुणाचा जागीच मृत्यू ; एसटी चालकावर पोलीस स्टेशनला गुन्हा दाखल सासवड प्रतिनिधी: बापू मुळीक मुख्य संपादक पुरंदर प्राईम न्यूज: सासवड जेजुरी रोड वरील बायपास चौकामध्ये भरधाव एसटी बसच्या धडकेमध्ये दुचाकी स्वार तरुणाचा जागीच मृत्यू ,घडल्याची दुर्दैवी घटना घडलेली आहे. या अपघातामध्ये दोघेजण गंभीर जखमी झाले असून, संबंधित एसटी चालका विरोधामध्ये गुन्हा दाखल करण्यात आलेला आहे ,याबाबत पोलिसांनी दिलेल्या माहितीनुसार 12 मे रोजी दुपारी एक वाजण्याच्या सुमारामध्ये विशाल ओव्हाळ हे त्याचे मित्र मुकेश पवार व आकाश कारके यांच्यासोबत दुचाकीवरून जेजुरी कडे जात होते, सासवड जेजुरी रोडवरील बायपास चौकामध्ये समोरून येणाऱ्या एसटी बस क्रमांक एमएचझिरो सहाएस 8334 ने दुचाकी ला जोरदार अशी धडक दिली, या अपघातामध्ये विशाल ओवाळ यांना गंभीर दुखापत होऊन त्यांचा जागीच मृत्यू झाला, तसेच मुकेश दत्तू पवार व आकाश बंडू कारके हे गंभीर जखमी झालेले आहेत, अपघातानंतर या परिसरामध्ये मोठी गर्दी झाली होती, या प्रकरणी प्रिया विशाल ओव्हाळ यांनी फिर्याद दिली असून, एसटी बस चालक संदीप शंकर चव्हाण राहणार पिंपळे ता. पुरंदर यांच्या विरोधात भारतीय न्याय संहिता 2023 अंतर्गत कलम 106 (1), 281, 125, 125 (ब) तसेच मोटार वाहन कायदा कलम 184 अन्वये गुन्हा दाखल करण्यात आला आहे. या घटनेचा सासवड पोलीस स्टेशनचे वरिष्ठ पोलीस निरीक्षक कुमार कदम यांच्या अधिपत्याखाली पोलीस हवालदार कांबळे अभिजीत पुढील तपास करीत आहेत.