कृषी औद्योगिक विद्यालय चांबळी उत्कृष्ट निकालाची परंपरा कायम सासवड प्रतिनिधी:बापू मुळीक मुख्य संपादक पुरंदर प्राईम न्यूज: श्रीनाथ शिक्षण प्रसारक मंडळ पुरंदर संचलित कृषी औद्योगिक विद्यालय चांबळी विद्यालयाने इयत्ता दहावीच्या परीक्षेत घवघवीत यश संपादन करत निकालाची उज्ज्वल परंपरा यंदाही कायम राखली आहे. चांबळी विद्यालयाचा 100%निकाल लागल्याने विद्यालयाच्या गुणवत्तेची पुन्हा एकदा प्रचिती आली आहे. पश्चिम भागात हिवरे केंद्रामध्ये चांबळी विद्यालयाचे द्वितीय आणि तृतीय क्रमांक आले विद्यार्थ्यांची जिद्द, शिक्षकांचे समर्पित मार्गदर्शन आणि पालकांचा भक्कम पाठिंबा यामुळे हे यश शक्य झाल्याची भावना व्यक्त होत आहे. कु. माने श्रावणी संतोष हिने 93.40 टक्के गुण मिळवित विद्यालयात प्रथम क्रमांक व हिवरे केंद्रात द्वितीय क्रमांक पटकावला तर कु सई महादेव कामठे 92.60 टक्के गुण मिळवून द्वितीय क्रमांक व हिवरे केंद्रात तृतीय क्रमांक तर कु. पायल गोविंद कामठे हिने 91.60टक्के गुण मिळवित तृतीय क्रमांक पटकावला.एकूण विद्यार्थी - ३४उत्तीर्ण विद्यार्थी - ३४विशेष श्रेणी - १०प्रथम श्रेणी - १६द्वितीय श्रेणी - ०८तृतीय श्रेणी - ०० विद्यालयाच्या उल्लेखनीय यशाबद्दल विद्यालयाचे मुख्याध्यापक शिक्षक शिक्षकेतर कर्मचारी यांनी समाधान व्यक्त करत विद्यार्थ्यांचे कौतुक केले. ग्रामीण भागातील मुले शैक्षणिक गुणवत्ता प्राप्त करुन जीवनात यशस्वी व्हावीत असे स्वप्न पाहीले होते ते आज या निकालामुळे पूर्णत्वास येताना दिसत आहे.” या यशामागील खरे शिल्पकार असलेले सर्व शिक्षक व शिक्षकेतर कर्मचारी यांचे विशेष कौतुक करण्यात येत आहे. श्रीनाथ शिक्षण संस्थेचे कार्याध्यक्ष भैय्यासाहेब खैरे व सचिव संतोष जगताप यांनी सर्व विद्यार्थ्यांचे व शिक्षकांचे कौतुक केले.