पुरंदर तालुक्यातील सासवड नगर परिषदेतर्फे विशेष अशी स्वच्छता मोहीम सासवड प्रतिनिधी बापू मुळीक मुख्य संपादक पुरंदर प्राईम न्यूज: क्रांतीसुर्य महात्मा फुले यांच्या दिवशताबदी जयंती वर्षा निमित्त सासवड नगर परिषदेने सुरू केलेल्या विशेष अशा स्वच्छता मोहिमेचा दुसरा टप्पा रविवार दि. 10 रोजी प्रभाग क्रमांक 6 मध्ये पार पडला. या मोहिमेत संत सोपान काका महाराज समाधी मंदिर परिसरात संपूर्ण प्रभागाची स्वच्छता करण्यात आली, नगरपरिषदेचे 150 स्वच्छता दूध, 10 घंटा गाड्या, 8 ट्रॅक्टर आणि 2 जीसीबीच्या साह्याने मोठ्या प्रमाणावर कचरा उचलण्यात आला. माजी आमदार संजय जगताप, नगराध्यक्ष आनंदी काकी जगताप आणि मुख्याधिकारी डॉ. कैलास चव्हाण यांच्या मार्गदर्शनाखाली हे अभियान राबवण्यात आले. यावेळी उपाध्यक्ष मनोहर जगताप, अजित जगताप, राजन जगताप यांच्यासह नगरसेवक ज्ञानेश्वर जगताप, प्रदीप राऊत, स्मिता जगताप, ज्ञानेश्वर गिरमे यासह नागरिकांनी श्रमदान केले.