तोंडलच्या सुपुत्राची एमपीएससी मार्फत क्लास वन अधिकारीपदी निवड; गावात सत्काराने आनंदोत्सव सासवड प्रतिनिधी: बापू मुळीक मुख्य संपादक पुरंदर प्राईम न्यूज: पुरंदर तालुक्यातील तोंडल येथील महाराष्ट्र लोकसेवा आयोग एमपीएससी मार्फत घेण्यात आलेल्या नगर रचना व मूल्यनिर्धारण विभागाच्या परीक्षेत तोंडल येथील आशिष नितीन वणवे यांची 'सहाय्यक नगर रचनाकार, श्रेणी-1 (राजपत्रित अधिकारी)' या मानाच्या Class-1 पदावर निवड झाली आहे. या निवडीमुळे तोंडल गावाच्या शिरपेचात मानाचा तुरा खोवला गेला आहे. आशिष हे तोंडलचे माजी सब-रजिस्ट्रार दिगंबर संभाजी वणवे यांचे नातू व नितीन वणवे यांचे सुपुत्र आहेत. अत्यंत प्रतिकूल परिस्थितीतून व जिद्दीच्या जोरावर आशिष यांनी हे यश संपादन केले आहे. लहानपणापासूनच अभ्यासात हुशार असणाऱ्या आशिष यांनी एमपीएससी चा अभ्यास करताना अनेक रात्री जागून काढल्या. त्यांच्या या यशात आई-वडिलांचे मार्गदर्शन, आजोबांचा आशीर्वाद व मित्रपरिवाराची साथ मोलाची ठरली.सहाय्यक नगर रचनाकार हे नगरविकासातील अत्यंत महत्वाचे पद असून या अधिकाऱ्यामार्फत शहरांचा विकास आराखडा, रस्ते, बागा, शाळा व सार्वजनिक सुविधांचे नियोजन केले जाते. आशिष यांच्या निवडीमुळे भविष्यात तोंडलसारख्या ग्रामीण भागातील तरुणांना स्पर्धा परीक्षांकडे वळण्यास निश्चितच प्रेरणा मिळेल.या यशाबद्दल आशिष यांचा ग्रामस्थ मंडळ, तोंडल यांच्या वतीने दि. 24 मे 2026 रोजी सायंकाळी 7 वाजता श्री भवानी माता मंदिरासमोर भव्य नागरी सत्कार समारंभ आयोजित करण्यात आला होता. यावेळी सरपंच शरद वणवे, ग्रामपंचायत सदस्य, गावातील प्रतिष्ठित नागरिक व महिला-भगिनी मोठ्या संख्येने उपस्थित होते.ग्रामस्थ मंडळ, नवभारत तरुण मंडळ व समस्त तोंडल ग्रामस्थांनी आशिष वणवे व वणवे परिवाराचे हार्दिक अभिनंदन केले असून आशिषच्या पुढील प्रशासकीय वाटचालीस शुभेच्छा दिल्या आहेत.---फोटो ओळ: एमपीएससी मार्फत सहाय्यक नगर रचनाकार, श्रेणी-1 पदी निवड झाल्याबद्दल आशिष नितीन वणवे यांचा दि. 24 मे 2026 रोजी तोंडल ग्रामस्थांच्या वतीने सत्कार करताना सरपंच शरद वणवे. सोबत दिगंबर वणवे, नितीन वणवे, शामकांत वनवे, चेअरमन अमोल वनवे, बाळासाहेब बाबर, हानुभाई इनामदार, व ग्रामस्थ उपस्थित होते.