पुरंदर तालुक्यात मोक्यासह 15 गंभीर गुन्ह्यात दाखल असलेला तर तीन गुन्ह्यासह फरार असलेला सराईत गुन्हेगार अखेर जेरबद्ध पुणे ग्रामीण एटीएसची कारवाई सासवड प्रतिनिधी : बापू मुळीक मुख्य संपादक पुरंदर प्राईम न्यूज: पुणे ग्रामीण भागातील दहशतवाद विरोधी पथकाने एटीएस सोमवार दि.22 जून रोजी सासवड येथून जबरी चोरी खंडणी खुणाचा प्रयत्न याप्रमाणे दाखल असलेल्या शिरूर ,सासवड, जेजुरी या तीन पोलीस स्टेशनच्या गुन्ह्यामध्ये फरार असलेला रेकॉर्डवरील सराईत गुन्हेगार दिगंबर ऊफॅ दिगया दशरथ शेडकर वय 28 वर्ष राहणार चांबळी ता. पुरंदर यास जेरबद्ध केलेले आहे, तीन आक्टोंबर 2025 रोजी फिर्यादी सुरज अनिल जाधव राहणार बेलसर तालुका पुरंदर यांनी ट्रांसफार्मर बंद केला नाही, म्हणून त्यांना आरोपी दिगंबर शेंडकर व त्याची तीन साथीदार यांनी लोखंडी रोड व कोयत्याने मारहाण करून, गंभीर अशी दुखापत केली होती, त्यानंतर तो फरार झालेला होता, त्यानंतर दि. नऊ मार्च 2026 रोजी सोनोरी येथील हॉटेल व्यावसायिक राहुल सुभाष काळे राहणार सोनोरी ता. पुरंदर यांची सोनोरी येथील हॉटेलवर आरोपी दिगंबर शेंडकर व त्याचे साथीदार यांनी मालक व कामगार यांना दमदाटी शिवीगाळ व लाकडी दांडक्याने मारहाण करून, हॉटेलच्या काउंटर मधील बत्तीस हजार रुपये जबरदस्तीने नेले होते, तसेच सदर हॉटेल व्यावसायिक यासहित यापूर्वी धमकावून त्यांच्याकडून अडीच लाख रुपये खंडणी पोटी घेतले होते ,त्यानंतर दिनांक 19 मार्च 2026 रोजी मांडवगण पराठा तालुका शिरूर येथे क्रिकेट ग्राउंडवर बॅनर वरील फोटो लावण्याच्या कारणावरून झालेल्या भांडणांमध्ये फिर्यादी अमोल आनंदा चौगुले राहणार मांडवगण फराटा यांच्यावर आरोपी दिगंबर शेंडकर व त्याचे सहा साथीदार यांनी जीवे मारण्याच्या उद्देशाने पिस्तूल मधून फायरिंग करून पळून गेले होते, या घटनाबाबत आरोपी दिगंबर शेंडकर यांच्यावर जेजुरी पोलीस स्टेशनला गंभीर अशी गुन्हे सासवड पोलीस स्टेशनला जबरी चोरी खंडणी व शिरूर पोलीस स्टेशनला खुणाचा प्रयत्न याप्रमाणे गंभीर असे गुन्हे दाखल करण्यात आलेले होते, सदर गुन्ह्यांमध्ये तो फरार असल्याने, पोलीस स्टेशन व गुन्हे शाखेची वेगवेगळी पथके त्याच्या मार्गावर होती परंतु ,तो वेशांतर करून राहण्याची ठिकाणे बदलून राहत असल्याने, पोलिसांना घोंगारा देत होता दिगंबर उर्फ दिग्या शेडकर हा रेकॉर्ड वरील सराईत गुन्हेगार असून, त्याच्यावर यापूर्वी राजगड, जेजुरी, सासवड व शिरूर पोलीस स्टेशनला खून करण्याचा प्रयत्न दरोडा जबरी चोरी खंडणी, आर्म ॲक्ट व मोका यासारखे एकूण 15 गंभीर स्वरूपाचे गुन्हे दाखल आहेत, दिगंबर शेंडकर हा अवैध अग्निशस्त्र विक्री करणारे गुन्हेगार यांच्या संपर्कात असल्याची माहिती पुणे ग्रामीण एटीएस पथकासह मिळाली होती, सदर माहितीप्रमाणे पोलीस अधीक्षक संदीप सिंह गिल यांनी त्याचा शोध घेण्यासाठी एटीएस पथकाची नेमणूक केलेली होती, त्याप्रमाणे सदर पथकाने त्याची माहिती काढून त्यांच्यावर पाळत ठेवून वेशांतर करून त्यास सासवड तालुका पुरंदर येथून त्याला ताब्यात घेतलेले आहे, सदर आरोपी यास फरार राहण्याकरिता कोणी कोणी मदत केली? त्याच्या संपर्कात कोण होते ,याबाबत पोलिसांकडून अधिक तपास चालू आहे, सदर कामगिरी ही पुणे ग्रामीण जिल्हा पोलीस अधीक्षक संदीप सिंह गिल तसेच पुणे विभाग अप्पर पोलीस अधीक्षक डॉक्टर शुभम कुमार व बारामती विभाग अप्पर पोलीस अधीक्षक गणेश बिराजदार यांच्या मार्गदर्शनाखाली दहशतवाद विरोधी शाखेचे सहाय्यक पोलीस निरीक्षक दत्ताजी मोहिते, सहाय्यक पोलीस उपनिरीक्षक महेश गायकवाड ,निलेश कदम, विशाल गव्हाणे व पोलीस अंमलदार मोहसीन शेख, ओंकार शिंदे यांच्या पथकाने केलेली आहे.