पुरंदर तालुक्यातील प्रशासकीय भवन मधील लिफ्ट बंद ; तर जेष्ठ नागरिक व दिव्यांगांचे प्रचंड हाल सासवड प्रतिनिधी: बापू मुळीक मुख्य संपादक पुरंदर प्राईम न्यूज: दिवंगत उपमुख्यमंत्री अजित( दादा) पवार यांच्या अथंक प्रयत्नातून सासवड येथे भव्यदिव्य अशी प्रशासकीय भवन उभे करण्यात आले असून, जवळपास सर्वच शासकीय कार्यालय एकाच ठिकाणी आणण्यात आली असून, यामागे जनतेचा वेळ वाचावा हा मुख्य उद्देश होता, मात्र प्रशासनाच्या दुर्लक्षामुळे सासवड येथील प्रशासकीय भवन येथील लिफ्ट कित्येक दिवस बंदच आहे, यामुळे नागरिकांनी तीव्र अशी नाराजी व्यक्त केलेली आहे. विशेषत जेष्ठ नागरिक दिव्यांग व्यक्ती तसेच महिलांना विविध शासकीय कार्यालयामध्ये कामानिमित्त वरच्या मजल्यावर जाण्यासाठी मोठा त्रास सहन करावा लागत असल्या कारणामुळे, ही फरपट होत आहे, दिवंगत उपमुख्यमंत्री अजित पवार यांच्या पुढाकारातून नागरिकांना आधुनिक सुविधा उपलब्ध करून देण्याच्या उद्देशाने प्रशासकीय भवनांमध्ये लिफ्टची व्यवस्था करण्यात आली होती मात्र, सध्या ही सुविधा बंद असल्याने, नागरिकांची गैरसोय वाढली असून, प्रशासनाच्या दुर्लक्ष बाबत संताप व्यक्त केला जात आहे. शेजारीच असलेल्या लिफ्ट सुद्धा कधी आधी मधी बंदच असते, तत्कालीन पुरंदरचे माजी आमदार संजय जगताप यांच्या कारकीर्दीमध्ये प्रशासकीय भवनातील त्या वेळच्या लिफ्टची सोय करण्यात आली होती, तर आत्ताच्या सध्याच्या वातावरणामध्ये विद्यमान आमदार विजय शिवतारे यांच्या कारकिर्दीमध्ये या ठिकाणी लिफ्ट बंद पडण्याच्या मार्गात जास्त होत आहेत, याकडे नक्की प्रशासकीय बाजू व आमदार यांची लक्ष नाही प्रशासकीय भवनातील विविध सरकारी कार्यालयांमधील नागरिकांनी ये जा करावी सुरू असते, त्यामधील तहसील कार्यालय, उपविभागीय अधिकारी कार्यालय, दुय्यम निबंधक, सहाय्यक निबंधक, भूमी अभिलेख विभाग नगररचना विभाग, कृषी अधिकारी कार्यालय सतत गर्दीने गजबजलेली असतात, परंतु लिफ्ट अभावी गैरसोयीला सामोरे जावे लागते, सामान्य व्यक्तीला प्रशासकीय भवनांमध्ये येणाऱ्या मध्ये ग्रामीण भागातून येणाऱ्यांची प्रमाण हे अधिक असून, उत्पन्न दाखले, जात प्रमाणपत्र, महसूल विभागाशी संबंधित कामे, तसेच इतर शासकीय कार्यालयासाठी अनेकांना वरच्या मजल्यावर जावे लागत असते, लिफ्ट बंद असल्यामुळे वृद्ध नागरिकांना जीने चढणे कठीण जात असून, दिव्यांग व्यक्तींनाही मोठ्या अडचणीचा सामना करावा लागत आहे, नागरिकांच्या सुविधासाठी उभारलेल्या यंत्रणा केवळ शोभे पुरत्याच आहेत का ? असा सवाल उपस्थित केला जात आहे, प्रशासनाने तातडीने लिफ्ट दुरुस्त करून नागरिकांची होणारी गैरसोय दूर करावी, अशी मागणी सासवड-करांकडून होत आहे, सर्वसामान्यांना सेवा सुविधा पुरवण्यासाठी प्रशासकीय बाजूने त्यासाठी लक्ष देणे गरजेचे आहे, यावर प्रामुख्याने दिव्यांग व जेष्ठ नागरिकांनी एक प्रकारे व्यथा व्यक्त केली असून, त्याबाबत सविस्तर माहिती प्रतिनिधीला दिली आहे.