पुण्यात भारतीय शिक्षण मंडळाचा निवासी परिचायक वर्ग संपन्न सासवड प्रतिनिधी : बापू मुळीक मुख्य संपादक पुरंदर प्राईम न्यूज: भारतीय शिक्षण मंडळ, पश्चिम महाराष्ट्र प्रांताच्या वतीने सागर ढोले पाटील शैक्षणिक संकुल येथे दि. २ व ३ मे रोजी एक दिवसीय निवासी परिचायक वर्गाचे आयोजन करण्यात आले.या वर्गासाठी अखिल भारतीय सहव्यवस्था प्रमुख अजेयजी धाक्रस यांनी मार्गदर्शन केले. यावेळी त्यांनी नीती, पाठ्यक्रम आणि शिक्षण पद्धतीमध्ये भारतीयता आणण्यासाठी अनुसंधान, प्रबोधन, प्रशिक्षण, प्रकाशन आणि संघटन या घटकांवर व्यापक कार्य होणे ही काळाची गरज आहे*, असे प्रतिपादन केले. तसेच प्रांताध्यक्ष प्रा. आर. एम. चिटणीस यांनीही उपस्थित कार्यकर्त्यांना मार्गदर्शन केले.या वर्गात राज्यातील २१ विविध शैक्षणिक संस्थांमधून सुमारे ४० कार्यकर्त्यांनी सहभाग नोंदविला. मैदानी खेळ, योगसाधना, प्राणायाम तसेच विविध बौद्धिक सत्रांच्या माध्यमातून सहभागी कार्यकर्त्यांना भारतीय शिक्षण मंडळाच्या कार्यपद्धती व उद्दिष्टांची ओळख करून देण्यात आली.या कार्यक्रमाच्या यशस्वी आयोजनासाठी पश्चिम महाराष्ट्र प्रांत व पुणे महानगरातील कार्यकर्त्यांनी परिश्रम घेतले.